ഇന്നലെകളീലൂടൊരു യാത്ര

ഓർമകൾ ഈ വഴി ക്കീ ണം  പകരുന്നൊരീരടീ -

ഞാനിന്നോർത്തെടുത്തു

പിച്ച നടന്ന  മൺപാതയും മഴയത്തു-

പൊട്ടിയ നീർച്ചാലും

മുറ്റത്തെ  മാവും,  മാങ്ങയും,   മധുരവും

ഞെട്ടറ്റ പൂവും,  മാറും ഋതുക്കളും

മച്ചിലെ തൂക്കണാം കുരുവിയും മക്കളും,

എന്നും നിറയുന്നതെന്റെയോർമ്മ 

അറിയാതെ മയങ്ങുമ്പോൾ  അരികത്തണഞ്ഞും

സ്വപ്നങ്ങളിലെന്നുമീണം പകർന്നും 

അറിവിൻറെ ലോകത്തു കരംപിടിച്ചുയരുമ്പോൾ 

പിന്നാമ്പുറങ്ങളിൽ നിറവായ് നിറമായ്

                                  ******

തിരശീലക്കപ്പുറം  പതറാതെ തളരാതെ 

പരസ്പരം പ്രണയിച്ചും  കലഹിച്ചും

പറയാതെ  അറിയാതെ  ഉണരുന്നു 

നിറയുന്നുവഴികളിൽ, പുഴകളിൽ, പൂക്കളിൽ

അവൾ അറിയിച്ച  മാനംകാണാമയിൽപീലിത്തുണ്ടിലും

അവളുടെ കഥയും മിഴികളും കവിതയും

അറിയാതുണരുമീ  മൺവഴിൽ

ഓർമകൾ ഈ വഴി ക്കീ ണം  പകരുന്നൊരീരടീ -

ഞാനിന്നോർത്തെടുത്തു

അതറിയാതെന്നിലുണർത്തുപാട്ടായ്

പ്രവീൺ പാറയ്ക്കൽ