മറ്റൊരാൾ

നിനക്കും  എനിക്കും ഇടയിൽ  മറ്റൊരാൾ  ഉണ്ടായിരുന്നു.

സ്വപ്നങ്ങളോ  ആഗ്രഹങ്ങളോ  കൂടതെ ജീവിക്കുകയാണ്,

 മരിച്ചിട്ടില്ല  പക്ഷെ  മരിച്ചത് പോലെ.

ഇനിയൊരിക്കലെങ്കിലും  മുമ്പത്തെപ്പോലെ  അയാളെക്കാണാൻ സാധിക്കുമോ?

ഓർമകളിൽ  മാത്രമാണ്

നിന്റെ ജീവിതം നീ കാത്തുസൂക്ഷിച്ചു -, എന്റെ ജീവിതം നിനക്കായി സമർപ്പിച്ചു

 ഏതോ നിമിഷത്തിനറെ വ്യത്യാസം,  ഏതോ ആഗ്രഹത്തിന്റെ വ്യത്യാസം,  ഏതോ സ്വപ്നത്തിന്റെ വ്യത്യാസം, 

അതിലേതോ ഒന്നാകാം  നമ്മൾ തമ്മിൽ ചേരാതെ പോയത്

നിനക്കൊരു ഇഷ്ട്ടമുണ്ടെന്നറിഞ്ഞാൽ അത് അയാളെ വേദനിപ്പിക്കും  നിന്റെ ജീവിതം എന്നന്നേക്കുമായില്ലാതാകും  ദാമ്പത്യം ഇല്ലാതെയാകും

എല്ലാം നീ നിലനിർത്തി

നീ വിചക്ഷണതയോടെ സ്ഥിതി നേടി

ഭൂതകാലങ്ങളെ കണക്കാക്കാതെ  നിന്നെ സ്നേഹിച്ച മറ്റൊരാൾ  ആരുമില്ലെന്ന് പറഞ്ഞിടത്തു  ആരൊക്കെയോ  ആയി തീർന്നവൻ

നീ പറഞ്ഞുവച്ചതു

നീ തീർത്ത  ആശകൾ

കൂട്ടുകാരി, കാമുകി, ഭാര്യ  അതിനപ്പുറത്തേക്ക് എന്താ  ഉണ്ടയിരുന്നത്

ദൃഢമായ വാമഭാഗം .

ഒരിക്കൽ  ഭാമ എന്നരുൾചെയ്തു - അതെ.

എല്ലാം ശരിവച്ചു ഒരുപാടൊരുപാട്   സ്വപ്നമണ്ഡലങ്ങൾ

അവൾ അകലാൻ ശ്രമിച്ചിരുന്നു എപ്പോളൊക്കേയൊ,

യാചനകൾ മാത്രമായിരുന്നു നീ എന്റെതായിരിക്കണമെന്നുള്ള

 “കഴിഞ്ഞതൊക്കെക്കഴിഞ്ഞില്ലേ  ഇനിയുള്ളകാലമത്രയും നീ എന്റേതായിരിക്കണം “

തകർന്നുപോയതോ മറ്റൊരാൾ മാത്രം

ഒന്നുമല്ലാതായി

മറ്റൊരാളായി

 ആരുമല്ലതായി

ആശകൾ മോഹങ്ങൾ വാഗ്ദാനങ്ങൾ  എല്ലാം വെന്തു വെണ്ണീറായി

മരിച്ചു  എന്നന്നേക്കുമായി.

മറ്റൊരാൾ - ആ സ്വാര്ധത  ആരെയും കുരുതികൊടുത്തില്ല

ഒന്നും ഒന്നിൽ നിന്നും അപഹരിച്ചില്ല

ആരെയും തരംതാഴ്ത്തിയില്ല

 

തന്നെ സ്നേഹിച്ചതിനൊക്കെ പകരമായി എല്ലാം വിഭല ഭൂവിൽ സ്പുടം ചെയ്തു

യാദ്ര്ഥ്യങ്ങളിൽ നിന്നും  യാചനകളൾക്കൊടുവിൽ

മണ്ണായിത്തീർന്നു

വെറും മണ്ണ്

ഭൂമിയിൽ ചേരുമ്പോഴും 

ആഗ്രഹങ്ങൾ അടങ്ങാത്ത

സ്വപ്നങ്ങളിൽച്ചെന്നു ചേക്കേറാത്ത

സ്നേഹിച്ചുതീരാത്ത

ഒരാളായിരുന്നു

മറ്റൊരാൾ

ശുഭം